almannatryggingar o.fl.

Hæstv. forseti. Ég mæli fyrir breytingartillögu minni hluta velferðarnefndar og hana flytja ásamt mér hv. þingmenn Björt Ólafsdóttir, Guðbjartur Hannesson og Steinunn Þóra Árnadóttir. Við leggjum til að ákvæði til bráðabirgða, sem gilti í þrjú ár, frá 31. desember 2010 til 31. desember 2013, haldi gildi sínu, verði sem sagt framlengt til 31. desember 2015. Í þessu bráðabirgðaákvæði fólst að komið var í veg fyrir víxlverkanir á milli greiðslna frá lífeyrissjóðum og almannatryggingum. Þessu bráðabirgðaákvæði var ætlað að gilda á meðan fundið yrði endanlegt samkomulag. Það hefur enn ekki gerst og svo virðist sem ekki sé í gangi nein alvöruvinna til að finna viðunandi lausn til frambúðar á víxlverkununum. Við teljum að tillaga meiri hlutans gangi of skammt enda skilar hún örorkulífeyrisþegum í þessari stöðu í heildina um 550 millj. kr. minna. Við teljum ekki annað forsvaranlegt en að framlengja bráðabirgðaákvæðið á meðan unnið er að varanlegri lausn.

Við hörmum að það hafi ekki orðið niðurstaðan úr þessari vinnu heldur hafi félags- og húsnæðismálaráðherra þess í stað ákveðið að skerða örorkulífeyrisþega sem þessu nemur.