breytingartillaga atvinnuveganefndar við rammaáætlun.

Hæstv. forseti. Það má bara ekki af ríkisstjórninni og stjórnarliðum líta, þá eru þau búin að klúðra og brölta og þverbrjóta allar reglur, núna þingsköpin til að geta virt rammalöggjöfina að vettugi.

Í gærkvöldi horfði ég á heimildarmynd, Draumalandið, sem fjallar um það hvernig ríkisstjórn Sjálfstæðisflokks og Framsóknarflokks þverbeygði reglur, fór fram hjá þeim, til að geta hleypt inn í landið alþjóðlegu stórfyrirtæki til að kaupa orku á útsölu, brunaútsölu vil ég leyfa mér að segja. Það var hálfsársaukafullt áhorf að sjá hvernig ráðamenn þjóðarinnar lögðust í duftið fyrir peninga- og spillingaröflum. Nú virðast menn tilbúnir til þess að endurtaka leikinn.

Herra forseti. Ég hvet forseta til að stuðla að reisn Alþingis og stöðva þetta.