ívilnanir til nýfjárfestinga á Íslandi.

Herra forseti. Hér er verið að greiða atkvæði um heildstæða löggjöf um ívilnanir til nýfjárfestinga á Íslandi og byggist frumvarpið á lögum um ívilnanir frá árinu 2010. Markmiðið er að örva og efla nýfjárfestingu í landinu. Ég styð málið í heild sinni en minni á að fyrirvari minn gengur fyrst og fremst út á það að samhliða þessu frumvarpi liggi ekki fyrir frumvarp sem lögfesti almennar ívilnanir sem stuðli að nýfjárfestingarverkefnum í minni nýsköpunar- og sprotafyrirtækjum sem falla ekki undir þessa löggjöf. Ég hvet hæstv. iðnaðarráðherra til að hraða þeirri vinnu og ljúka henni sem fyrst svo við getum afgreitt slík lög.