144. löggjafarþing — 71. fundur, 26. feb. 2015.
framhald umræðu um raforkumál.
Virðulegur forseti. Við tökum hér aftur til við að ræða kerfisáætlun. Eins og fram hefur komið hefur okkur verið tjáð að hv. formaður atvinnuveganefndar sé að fara að ávarpa þingið í miðri mælendaskrá sem fyrir liggur í málinu. Ég velti því upp við hæstv. forseta eða óska eftir einhvers konar skýringu á því. Í 69. gr. þingskapalaga kemur fram að unnt sé að víkja frá reglu um mælendaskrá þegar um er að ræða mál ráðherra eða framsögumanns máls. Hér er um hvorugt að ræða.