144. löggjafarþing — 79. fundur, 16. mars 2015.
staða þingsins og viðhorf ríkisstjórnarinnar.
Virðulegur forseti. Haustið 2010 var samþykkt þingsályktun um viðbrögð Alþingis við skýrslu rannsóknarnefndar Alþingis. Þar segir, með leyfi forseta:
„Alþingi ályktar að brýnt sé að starfshættir þingsins verði teknir til endurskoðunar. Mikilvægt sé að Alþingi verji og styrki sjálfstæði sitt og grundvallarhlutverk.“
Þetta var samþykkt hér í þingsal með 63 atkvæðum og ég spyr okkur öll, ekki hæstv. forseta, ekki ríkisstjórnina, ég spyr okkur sjálf: Gildir þessi þingsályktun í dag?