Evrópumál, munnleg skýrsla utanríkisráðherra.

Hæstv. forseti. Ég þakka hv. þingmanni fyrir ræðuna. Ég er með eina stutta spurningu vegna þess að hv. þingmaður vitnaði hér til þess að að sínu mati væri það ekki i samræmi við þingsköp að senda slíkt bréf án þess að funda fyrst með utanríkismálanefnd. Þá langar mig að spyrja hvort hv. þingmaður hafi á sínum tíma gert athugasemdir við vinnubrögð síðustu ríkisstjórnar og þáverandi utanríkisráðherra sem sendi bréf til Evrópusambandsins og tilkynnt að komið væri hlé á viðræðurnar? Slíkt bréf var sent án þess að fyrir lægi samráð við utanríkismálanefnd. Var það einnig brot á þingsköpum? Hvers vegna gerðu Vinstri grænir ekki verulegar athugasemdir við það verklag ráðherrans sem var þá samstarfsráðherra Vinstri grænna?