alþjóðleg þróunarsamvinna Íslands o.fl.
Virðulegi forseti. Ég þakka hv. þingmanni fyrir gott svar sem kemur að seinni spurningu minni eða vangaveltu út frá ræðu þingmannsins. Það er sú hugmynd sem hann fleytir, að í nafni góðrar stjórnsýslu og þess að aðskilja annars vegar framkvæmd og hins vegar eftirlit færi betur á því að flytja verkefni frá ráðuneytinu og til Þróunarsamvinnustofnunar. Mig langar að skilja þingmanninn rétt með það að hann líti svo á og treysti skipulagi Þróunarsamvinnustofnunar til að takast á við stóraukin verkefni, eins og mér heyrist þingmaðurinn segja. Tekur hv. þingmaður ekki líka undir mikilvægi þess að stórkostlega sé spýtt í lófana og bætt í fjárveitingar til þróunarsamvinnu almennt frá því sem nú hefur verið ákveðið?