alþjóðleg þróunarsamvinna Íslands o.fl.
Virðulegi forseti. Nei, mér finnst hún ekki verða mikið skýrari. Ég er svolítið, og kannski engin tilviljun, sammála hv. þm. Óttari Proppé sem fór ágætlega yfir þetta áðan í ræðu sinni um að gert er ráð fyrir tveimur fundum þingmanna á ári um þessi mál og það er varla beinlínis rík aðkoma. Síðan er ég líka sammála gagnrýni hv. þm. Árna Páls Árnasonar á það hvernig ætlunin er að nefnd þingmanna sé skipuð. Þá virðist til dæmis ekki vera gert ráð fyrir að allir flokkar hafi aðkomu að því. Sporin hræða líka í þessu, til dæmis hvernig staðið var að skipun í útvarpsráð þar sem gefið var ákveðið vilyrði fyrir að reyna að mæta lýðræðislegum sjónarmiðum, það var náttúrlega allt þverbrotið. Augljóslega er þetta eitthvað sem þarf að ræða.