þjóðaratkvæðagreiðsla um framhald viðræðna um aðild Íslands að Evrópusambandinu.
Virðulegi forseti. Ég skal fúslega þýða bréfið. Það er stílað á Fredrik Reinfeldt og Carl Bildt, formann ráðherraráðsins. Það hljómar svona í lauslegri þýðingu:
Íslenska ríkisstjórnin hefur þann heiður að afhenda hér, í samræmi við 49. gr. í sáttmálanum um Evrópusambandið, umsókn lýðveldisins Íslands um að gerast aðili að Evrópusambandinu. (Gripið fram í: Brot á stjórnarskrá.)
Með vinsemd og virðingu,
Jóhanna Sigurðardóttir forsætisráðherra,
Össur Skarphéðinsson utanríkisráðherra.“
Hér koma ekki fram neinir fyrirvarar, engar tilvísanir til neinna annarra skjala. Evrópusambandið hefur í höndum sínum og í fórum sínum skilyrðislausa umsókn frá fyrrverandi ríkisstjórn, sem ég tel vera brot á (Forseti hringir.) því umboði sem þáverandi ríkisstjórn hafði í höndunum frá Alþingi.