áætlun um vernd og orkunýtingu landsvæða.
Virðulegur forseti. Ég tek undir það sem hér hefur verið sagt um nauðsyn þess að stjórnarandstaðan fái tóm til þess að fara yfir úrskurð forseta. Í fljótu bragði, ef gagnályktað er út frá úrskurðinum, er enginn biðflokkur eða verndarflokkur til staðar í landinu. Þá getur atvinnuveganefnd í raun tekið allan biðflokkinn því að þar hefur farið fram faglegt mat að mati forseta, og allan verndarflokkinn, það sem ekki hefur verið friðlýst, og sett í nýtingarflokk. Kannski er það nokkuð sem maður á ekki að segja upphátt við hv. þm. Jón Gunnarsson. (JónG: Og öfugt …)
Það er ákaflega þunnur þrettándi og veikburða rökstuðningur sem birtist í þessum úrskurði. (Gripið fram í.) Þetta er sem sagt orðalagið, með leyfi forseta:
„Þegar það er skoðað í heild sinni sem hér hefur verið rakið sýnast rök hníga frekar í þá átt …“ Það er niðurstaða forseta. Hún heldur ekki vatni.