áætlun um vernd og orkunýtingu landsvæða.
Herra forseti. Ég vil taka til máls um fundarstjórn forseta eins og fleiri sem hingað hafa komið þessar síðustu mínútur. Ég fagna því að hæstv. umhverfisráðherra er komin á mælendaskrá og tel það vel. Ég átti reyndar von á því að hún mundi veita hv. þm. Kristjáni L. Möller andsvar þar sem hann beindi til hennar tveimur mjög konkret spurningum. Það kom mér eiginlega á óvart að hæstv. ráðherra skyldi ekki sjá sér fært að fara í andsvar við þingmanninn sem var með mjög innihaldsríka og málefnalega ræðu. En það er vel ef hæstv. ráðherra kemur í ræðu á eftir og fer jafnvel í andsvör við þann sem kemur næstur og flytur nefndarálit 2. minni hluta.
Það er mjög mikilvægt í þessu máli, sérstaklega í ljósi þess hversu umdeilt það er, ekki síst í ljósi þess sem kom fram í kvöldfréttum hjá hæstv. umhverfisráðherra, að fá hennar skoðun á málinu og henni sé haldið til haga í umræðunni og samskiptum við okkur, stjórnarandstöðuþingmenn. Ég mundi vilja sjá fleiri þingmenn, (Forseti hringir.) bæði framsóknarmenn og sjálfstæðismenn, taka til máls í þessari umræðu en ekki bara stjórnarandstöðuna.