áætlun um vernd og orkunýtingu landsvæða.
Virðulegur forseti. Er þá hæstv. ráðherra að segja frá því hér að það sé meiri hluti fyrir tillögu meiri hluta atvinnuveganefndar, að sá sem fer með málaflokk umhverfismála á Íslandi, sem hefur ákveðnar skoðanir á honum sem eru ekki í samræmi við skoðanir meiri hluta atvinnuveganefndar, hafi þá ekkert vægi innan síns þingflokks og innan stjórnarmeirihlutans í þessum efnum? Það þykja mér nokkur tíðindi ef svo er. Það er auðvitað mikill munur á því hvernig á þessum málum er haldið, hvort menn færa hluti úr nýtingarflokki í biðflokk eða færa biðflokkshugmyndir yfir í nýtingarflokk. Mig langar til að spyrja hæstv. ráðherra hvort hún líti svo á að sú aðgerð sem hér er til umfjöllunar sé sambærileg því að færa hugmyndir úr nýtingarflokki í bið (Forseti hringir.) eins og gert var á síðasta kjörtímabili, hvort það sé sambærilegt því að setja virkjunarhugmyndir úr biðflokki í nýtingarflokk.