áætlun um vernd og orkunýtingu landsvæða.

Virðulegi forseti. Ég þakka hv. þingmanni ágæta ræðu. Það er enn svolítið óljóst hver afstaða hv. þingmanns er til þessara tilteknu virkjana, þ.e. Hvammsvirkjunar sérstaklega, þar sem hún hefur farið í gegnum ferli, en einnig hinna virkjananna; Holtavirkjun er til dæmis upp á 53 megavött, Urriðafoss upp á 130 megavött ef ég skil rétt. Ég er honum sammála um að ferlið sé algjörlega úti á túni. En ég velti fyrir mér: Ef til ákvarðanatöku kæmi, sem yrði alfarið byggð á annarri umferð rammaáætlunar, hver yrði afstaða hv. þingmanns til þeirra virkjana sem lagðar eru til í þessu breytingartillögubrölti?