144. löggjafarþing — 108. fundur, 19. maí 2015.
áætlun um vernd og orkunýtingu landsvæða.
244. mál
Virðulegi forseti. Ef hv. þingmanni finnst að með því að stjórnmálamenn tóku ekki af skarið og mátu sjálfir upplýsingar sem fagmenn höfðu ekki farið yfir og settu virkjunarkostina í biðflokk hafi verið vikið frá grundvallarsjónarmiði um rammaáætlun, hvað finnst hv. þingmanni þá um að stjórnmálamenn taki virkjunarkosti úr biðflokki og flokki sjálfir í nýtingarflokk? Hvað er það þá, hæstv. forseti?