áætlun um vernd og orkunýtingu landsvæða.

Virðulegi forseti. Það er þannig að séu lögin og þingsályktanirnar lesnar saman var rætt um það að verkefnisstjórnin hefði kannski farið örlítið út fyrir valdsvið sitt og farið inn á svið sem hún átti raunverulega ekki að fara inn á og það hefur verið dregið til baka, þau gengu kannski of langt í að meta umhverfisáhrif. En varðandi það sem hv. þingmaður vísar í, fyrst er að ákvarða virkjunarkostina, taka ákvörðun um þá að setja viðkomandi virkjunarkosti í nýtingarflokk og svo verður farið í umhverfismat framkvæmda. Þá kemur til umræðu og skoðunar hvort laxastofninn í Þjórsá sé það viðkvæmur að það eigi á þeim grunni ekki að fara í þessar virkjanir. Þetta á hv. þingmaður að vita vel. Þannig að því tvennu má ekki rugla saman. Það var á þeim grunni sem ég byggði afstöðu mína á (Forseti hringir.) síðasta kjörtímabili, vegna þess að þetta var komið (Forseti hringir.) of langt að þessu mati, en faglega matið er eftir.