144. löggjafarþing — 109. fundur, 20. maí 2015.
dagskrá næsta fundar.
Herra forseti. Þetta er nú að reynast æði kostnaðarsamur leiðangur sem hér var lagt upp í undir forustu stríðsherrans hv. þm. Jóns Gunnarssonar. (JónG: Það er líka mikið undir.) Þingið er að tapa hér dýrmætum tíma og því miður er breikkandi gjá að myndast á milli stórs hluta þingmanna og forseta vegna þess að til þess er ætlast (Gripið fram í.) að umræðan haldi áfram á grundvelli mjög umdeilds úrskurðar forseta um að málatilbúnaðurinn sé þingtækur. En um þennan úrskurð forseta heyrðist kveðin svohljóðandi vísa hér á göngunum á dögunum:
Forseti á dögunum úrskurð upp kvað
um efni af flóknara tagi.
Sé horft fram hjá lögum má hugsa sér að
það hæpna sé kannski í lagi.
