áætlun um vernd og orkunýtingu landsvæða.
Hæstv. forseti. Ég vona að ég hafi ekki sýnt af mér neitt stærilæti hérna, það langar mig ekki til að gera. En við höfum þá skilið það á mismunandi hátt, ég og hv. þm. Björt Ólafsdóttir, í hverju umhverfismat framkvæmda felst. Þar er kafað miklu dýpra ofan í málin. Þar eru teknir fyrir umhverfisþættir og rannsakaðir dýpra og farið ofan í þá sem ástæða þykir til. Ég treysti því fullkomlega að þar fari af stað mikil vinna og miklar rannsóknir; og komi fram rök sem á einhvern hátt benda til þess að ekki sé forsvaranlegt að fara í framkvæmdir þá muni það verða stoppað. En skyldi það þá vera að það hafi aldrei gerst af því þetta er svo nýtilkomið hjá okkur? Það má spyrja sig að því.