áætlun um vernd og orkunýtingu landsvæða.
Hæstv. forseti. Ég vil þakka hv. þingmanni svarið. Ég ber fulla virðingu fyrir því að þetta er ekki einfalt og sjálfsagt hefðum við ekki eytt öllum þeim tíma sem við höfum eytt á undanförnum dögum í að ræða um málið væri það einfalt.
Svo ég skýri spurningu mína betur úr fyrra andsvari þá ætla ég að lesa upp úr umsögn Orkustofnunar. Þar segir, með leyfi forseta:
„Með því að flytja umrædda virkjunarkosti í Þjórsá úr nýtingarflokki í biðflokk var, að mati Orkustofnunar, markmiðum um sjálfbæra uppbyggingu raforkuframleiðslunnar stefnt í hættu.“
Þegar við erum svo föst í forminu og reglunum þá er hættan á því að regluverkið verði yfirsterkara markmiðunum með regluverkinu sjálfu. [Rafmagnstruflun.] Þetta er mjög kröftug ræða greinilega, rafmagnið fór af húsinu og ég fæ óendanlegan ræðutíma í staðinn.