áætlun um vernd og orkunýtingu landsvæða.
Virðulegur forseti. Mig langar að spyrja hv. þingmann vegna áherslna þeirra flokka sem segjast standa vörð um náttúruna og leggja mikið upp úr því út í þau virkjunarsvæði sem sett voru í síðustu rammaáætlun og samþykkt af þessum stjórnarflokkum í nýtingarflokk. Þá vitna ég til svæða eins og Eldvarpa og Svartsengissvæðis, Sveifluháls og Krýsuvíkursvæðis og Sandfells á Krýsuvíkursvæði. Telur hv. þingmaður að það séu minni umhverfisáhrif af þeim virkjunum og það sé eðlilegt að virkja þar frekar en í neðri hluta Þjórsár? Eins hefði ég viljað fá örstutta skýringu á því hjá hv. þingmanni hvað það er við Skrokköldu sem gerir það að verkum að umhverfisáhrif eru svo mikil og víðtæk eins og hv. þingmaður fór inn á í ræðu sinni.