afgreiðsla umhverfis- og samgöngunefndar á frumvarpi um Reykjavíkurflugvöll.

Virðulegi forseti. Þetta mál snýst að mestu leyti um vinnubrögð og hv. þm. Höskuldi Þór Þórhallssyni tekst að láta hv. þm. Jón Gunnarsson meira að segja líta vel út í samanburðinum í þessu máli. Þetta er það mikið níðingsverk sem hér átti sér stað í morgun. Menn vinna bara ekki svona, koma ekki með endurskrifað frumvarp kl. 8.13, þetta er allt til, tímasett í okkar tölvum, og rífa málið út kl. 8.25.

Ég hef verið frekar fylgjandi því að flugvöllurinn sé í Vatnsmýrinni á meðan ekki fæst annar viðunandi staður fyrir hann, en svona vinnubrögðum er ég ekki til í að taka þátt í. Þetta er eins og hv. þm. Róbert Marshall sagði reginhneyksli, þetta er þinginu ekki sæmandi og við eigum að henda þessu máli aftur inn í nefndina og fá að tala við þessi sveitarfélög og ráðuneyti sem í hlut eiga.