Stjórnarráð Íslands.
Frú forseti. Öflug umgjörð um siðareglur og ráðgefandi siðaráð tryggir okkur ekki gegn vondu siðferði, en það er mikilvægt að vera með slíka umgjörð til þess að efla traust á stjórnvöldum, ekki veitir af. Ég sat einn fund í nefndinni sem varamaður og hef auðvitað fylgst með þessari umræðu utan frá, en þegar ég hef núna verið að undirbúa mig fyrir umræðuna og skoða umsagnirnar þá bregður mér mjög í brún að sjá hvað þetta fær lítið vægi. Mér sýnist að það hafi eingöngu verið aðilar frá forsætisráðuneytinu og svo Siðfræðistofnun sem hafi rætt þetta. IMMI er hérna líka, en í áliti þeirra er aðallega rætt um skráningu upplýsinga. Þannig (Forseti hringir.) að ég tel einsýnt að þetta mál þurfi að fara til nefndar og í miklu betri umræðu hvað þennan þátt málsins varðar.