viðvera ráðherra í óundirbúnum fyrirspurnum og samningar um þinglok.
Virðulegur forseti. Þetta er auðvitað með ólíkindum og verður að gera athugasemdir og mótmæla því að þessum dagskrárlið sé breytt með nokkurra sekúndna fyrirvara. Þingmenn sem eru að koma í salinn og ætla að bera upp ákveðnar fyrirspurnir til ákveðinna ráðherra komast að því að þeir verða ekki viðstaddir. Það hljóta að vera einhverjar skýringar sem ríkisstjórnin hefur á þessari framkomu við þingmenn. Ég óska eftir þeim. Það er algert lágmark að menn útskýri hvernig það geti borið til að menn forfallist með svo skömmum tíma í þennan dagskrárlið. Ég óska eftir því að skýringum frá ríkisstjórninni verði komið til þingmanna. Þetta er óásættanlegt.