athugun á hagkvæmni lestarsamgangna.
Virðulegur forseti. Þessi tillaga er mikilvægt skref í áttina að borgarþróun sem skiptir okkur æ meira máli. Og fyrst við höfum á annað borð vísi að borg hér á höfuðborgarsvæðinu skiptir það okkur máli að sú borg þróist. Það er ekki í neinni andstöðu við öðruvísi byggð annars staðar á landinu, þvert á móti, þéttbýli og dreifbýli styrkja hvort annað.
Samkvæmt tillögunni er farið fram á athugun á því hvort hagkvæmt sé að fara í ákveðnar framkvæmdir, ákveðnar breytingar. Ég held að það sé til eftirbreytni að við athugum málin áður en við tökum um þær ákvarðanir, áður en við myndum okkur endanlega skoðun.