verslun með áfengi og tóbak o.fl.

Herra forseti. Hv. þingmanni var tíðrætt um menningu og áfengi er klárlega hluti af menningunni og hefur alltaf verið, alla tíð. Ef við hugsum tuttugu, þrjátíu ár aftur í tímann var áfengi hluti af menningu Íslands þá og er það í dag. Það er merkilegt að bera þetta saman. Í mínum huga hefur þessi menning gjörbreyst og ég hef áhuga á að vita hvort hv. þingmaður er sammála því að áfengismenningin hafi mikið breyst á tuttugu árum.