viðvera utanríkisráðherra við umræðu um ÞSSÍ.
Herra forseti. Hv. þingmenn hafa fært mjög góð rök fyrir þeirri beiðni sinni um að halda umræðunni ekki áfram eða setja málið ekki á dagskrá fyrr en hæstv. utanríkisráðherra er kominn í hús.
Forseti hefur ekki orðið við þeirri beiðni, en ég vil hvetja forseta og hv. formann utanríkismálanefndar að taka vel í tillögu hv. þm. Svandísar Svavarsdóttur áðan um að sest verði niður til að finna lausn á málinu.
Í umræðum í síðustu viku komu fram margar hugmyndir að góðri sátt, meðal annars var talað um að bíða mætti eftir tillögum eða úttekt sem DAC er að gera og er í burðarliðnum. Ég vil taka undir þá ósk og bið forseta um að taka vel í hugmynd hv. þingflokksformanns Vinstri grænna.