fjárlög 2016.

Virðulegi forseti. Mér finnst áhugavert hvað hv. þingmaður er ónæmur fyrir forræðishyggjunni sem hann er augljóslega talsmaður fyrir. Hann kemur hingað og segir að það sé augljóst hvað felist í aðild að ESB, væntanlega vegna þess að hann er búinn að komast að einhverri niðurstöðu um það. (GÞÞ: … skýrslum.) Ég hef lesið þær skýrslur (Gripið fram í: Var það ekki …?) og hef komist að þeirri niðurstöðu að aðild að ESB væri góð (GÞÞ: Já, segðu þá frá því.) fyrir Íslendinga. Ég hef sagt fá því í mörgum ræðum, (GÞÞ: … það.) nákvæmlega. Er það ekki síðan bara mjög virkt og fallegt lýðræði og samtal sem á að eiga sér stað í samfélaginu um það á hvora röksemdina þjóðin vill hlusta? (GÞÞ: Að sjálfsögðu.) Er það ekki? (GÞÞ: Jú.) Af hverju klárum við þetta þá ekki, hvað er þá flókið við þetta? Eigum við virkilega að hætta við þetta samráðsferli vegna þess að þér finnst (GÞÞ: Þetta er ekki …) þú búinn að komast að þeirri niðurstöðu að við eigum ekki að ganga í ESB? (GÞÞ: Þetta er ekki samráðsferli, þetta er aðildarferli.) Bíddu, þjóðin mun ákveða á grundvelli samnings en ekki þú, (GÞÞ: Þú ert að blekkja fólkið.) ekki ég og ekki þú —

(Forseti (ÞorS): Hljóð í salnum.)

Ekki ég og ekki þú munum ákveða það, heldur þjóðin. (GÞÞ: Nákvæmlega.) Það væri hollt fyrir þig að tileinka þér þannig nálgun í stjórnmálum. (GÞÞ: Þetta er aðildarferli. Þú ert að blekkja fólk og þú þolir ekki að taka umræðuna um ESB.) (Gripið fram í: Þetta er rosalegt.) [Háreysti í þingsal.] Það er gaman að þessu.