145. löggjafarþing — 55. fundur, 15. des. 2015.
fjárlög 2016.
1. mál
Virðulegi forseti. Ég þakka fyrirspyrjanda enn og aftur. Ég verð hreinlega að viðurkenna að ég heyrði kannski ekki nógu vel hvað þú sagðir í fyrri fyrirspurninni þegar þú varst að tala, þú talaðir svolítið lágt, en ég tek undir að það er gríðarlega mikilvægt að umboðsmaður Alþingis njóti fjárhagslegs öryggis og geti í störfum sínum sinnt þeim mikilvægu þáttum sem hann á að sinna og tek því undir með þér í því. Ég mun kynna mér skýrsluna.