145. löggjafarþing — 56. fundur, 16. des. 2015.
fjárlög 2016.
1. mál
Hæstv. forseti. Ég harma það fyrst að ekki sé hægt að koma hingað upp um fundarstjórn forseta því að þá mundi ég koma og þakka forseta fyrir mikla stjórnfestu og yfirvegun í þessari löngu og erfiðu atkvæðagreiðslu. (Gripið fram í: Heyr, heyr.)
Við í minni hlutanum leggjum til 1,7 milljarða í fæðingarorlofið svo hægt sé að hækka þakið upp í 500 þús. kr. Það jafngildir 80% af meðaltekjum í landinu, en ef stjórnarmeirihlutinn hafnar þessari tillögu okkar þá er hann að taka ákvörðun um að hafa fæðingarorlofsfjárhæðirnar óbreyttar í þrjú almanaksár. Það er algerlega ólíðandi og það er ekki hægt að skilja smábarnafjölskyldur Íslands eftir á köldum klaka núna þegar efnahagur landsins er að vænkast.
