fjárlög 2016.

Virðulegi forseti. Ef hv. þingmenn sitja hjá þýðir það að þeir eru ekki að samþykkja og ef allir mundu gera það sama færu þessir fjármunir ekki til Landspítalans. Nú fara í viðhald 723 milljónir sem eru mjög há upphæð. Ég held að það sé rétt að upplýsa það sem kom fram á fundi hv. fjárlaganefndar, þegar menn vísuðu í tölur um að við værum með jafn lága innviðauppbyggingu og Grikkland og Mexíkó voru menn að vísa í fjárlög frá 2013 þegar önnur ríkisstjórn en þessi gerði fjárlögin.

Við leggjum hér sömuleiðis fjármuni í fráflæðisvandann og það er mjög mikilvægt að menn séu meðvitaðir um að það (Gripið fram í.) þarf að líta á heilbrigðiskerfið í heild sinni. Það eru mjög góðar fréttir að við höfum svigrúm til að leggja meira fjármagn í það stóra verkefni sem snýr að úrræðum fyrir þá sem eru núna á Landspítalanum (Forseti hringir.) en eiga að vera í öðrum úrræðum.

Ég trúi ekki öðru en að hv. þingmenn samþykki þessar tillögur.