verslun með áfengi og tóbak o.fl.
Hæstv. forseti. Ég þakka hv. þingmanni svarið og er hjartanlega sammála honum.
Það er ekki þannig að ríkið eigi að sinna því sem aðrir vilja ekki gera. Ríkið hefur mikilvægu hlutverki að gegna í því meðal annars að vernda hagsmuni almennings. Einokun á áfengissölu á sér langa sögu á Íslandi sem og annars staðar á Norðurlöndunum. Óvíst er hvaða fyrirkomulag væri í dag en ég held að ef áfengið væri að koma til í dag þá væri þetta hugbreytandi efni varla löglegt, að minnsta kosti ekki miðað við núgildandi fíkniefnastefnu í landinu. En það er auðvitað verið að vernda heilbrigði og vernda börn. Það eru ýmsir þættir sem einokunin hefur áhrif á með hindruðu aðgengi. Ég spyr þingmanninn: Hvaða afleiðingar hefði það fyrir samfélagið að heimila þetta, ekki bara (Forseti hringir.) samfélagslegu afleiðingarnar, heldur hvaða fjárhagslegu hagsmunir eru í húfi?