viðbrögð við skýrslu um fátækt barna.
Virðulegi forseti. Ég þakka hæstv. ráðherra fyrir greiningu hennar á skýrslu Barnahjálpar Sameinuðu þjóðanna á Íslandi.
Ég hefði gjarnan viljað fá skýrari svör frá hæstv. ráðherra um tafarlausar aðgerðir í þágu barna sem líða efnislegan skort á Íslandi. Þau geta ekki beðið. Við viljum ekki að börn sem búa við skort þurfi að bíða róleg eftir því hvað stjórnmálamenn ákveða að gera í þeirra þágu, bíða eftir þingsályktunartillögum, bíða eftir framvindu frumvarpa sem velkjast um í nefndum.
Ég mundi gjarnan vilja fá skýrari svör þegar kemur að tafarlausum aðgerðum í þágu barna.