sjúkratryggingar og lyfjalög.
Hæstv. forseti. Við í Samfylkingunni styðjum bæði frumvarpið og breytingartillöguna. Nú er uppi í samfélaginu hávært ákall um aukið fjármagn til heilbrigðismála. Það er lífsnauðsynlegt fyrir íslenskt heilbrigðiskerfi að við aukum fjármuni inn í kerfið.
Við styðjum þá breytingartillögu sem hér er gerð vegna brýningar landlæknis sem hefur miklar áhyggjur af því ástandi sem uppi er í íslensku heilbrigðiskerfi og er þá mikilvægt að ráðherra geti gripið til þess að takmarka fjárstreymi sem kann að skapast og stjórni þar með forgangsröðun fjármuna inn í heilbrigðiskerfið.
Ég vil nota tækifærið og brýna ríkisstjórnarflokkana til þess að verða við ákalli landsmanna og bæta fjármunum inn í íslenskt heilbrigðiskerfi. (Gripið fram í: Heyr, heyr.)