fullnusta refsinga.
Forseti. Ég vona svo sannarlega að þessi breytingartillaga verði til þess að (Gripið fram í.) það muni ekki halda áfram að gerast að börn undir átján ára aldri séu sett í hefðbundið fangelsi eins og til dæmis Litla-Hraun. Það hefur verið gert og er skýlaust brot á barnasáttmála Sameinuðu þjóðanna. Mér sýnist miðað við breytingartillöguna að það sé samt möguleiki á að vista börn undir átján ára aldri á Litla-Hrauni eða öðrum slíkum fangelsum, og ef svo er þá óska ég eftir að ákvæðinu verði breytt á þann veg að enginn undir átján ára aldri verði settur í hefðbundið fangelsi fyrir fullorðna.