framhaldsfundir Alþingis.
Virðulegi forseti. Gefið hefur verið út svohljóðandi forsetabréf:
„Forseti Íslands gjörir kunnugt:
Forsætisráðherra hefir tjáð mér að nauðsyn beri til að kveðja Alþingi saman hið fyrsta til að fjalla um yfirvinnu- og þjálfunarbann flugumferðarstjóra sem starfa hjá Isavia ohf.
Fyrir því hefi ég ákveðið, samkvæmt tillögu forsætisráðherra, að Alþingi skuli koma saman til framhaldsfunda miðvikudaginn 8. júní 2016 kl. 15.
Gjört á Bessastöðum, 8. júní 2016.
Ólafur Ragnar Grímsson.
_____________________
Sigurður Ingi Jóhannsson.
Forsetabréf um að Alþingi skuli koma saman til framhaldsfunda.“
Ég býð hæstv. forseta og hv. alþingismenn velkomna til starfa.