starfsáætlun þingsins.
Hæstv. forseti. Ég er algjörlega ósammála þeirri túlkun að þetta sé sama dagskrá og var hér fyrir helgi og þess vegna sé ekkert mál að halda áfram eins og ekkert hafi í skorist. Það er engin starfsáætlun í gildi og mánudagar eru fyrir munnlegar fyrirspurnir og svo er búið að bæta inn á eftir venjulegum þingfundi öðrum þingfundi í dag. Þetta er ekki venjulegt og svona er ekki gert nema í sérstöku samráði við þingflokksformenn. Ég er algjörlega ósammála þeirri túlkun forseta að hér sé hægt að halda áfram eins og ekkert hafi í skorist. Það er þá nýlunda í mínum huga ef forseti telur starfsáætlun engu máli skipta. Við hin sem erum hér á þingi höfum leyft okkur að taka mark á starfsáætlun og það er alvarlegt að heyra að forseti geri það ekki.