aðgerðir stjórnvalda gegn skattsvikum o.fl.
Virðulegi forseti. Ég vil þakka þinginu og sérstaklega viðkomandi nefnd fyrir að hafa haldið vel utan um þetta mál. Þetta mál sem er að verða að lögum, stefnir í það á þessu þingi, sýnir að ríkisstjórnin brást við með ákveðnum hætti, fumlausum og skýrum, til þess að bregðast við því sem hefur lengi verið vandamál á Íslandi og verður áfram til að glíma við, sem er skattsvik. Í þessu máli afgreiðum við líka lagareglur um þunna eiginfjármögnun sem hefur verið rætt um, ekki bara í tíð þessarar ríkisstjórnar heldur fyrri ríkisstjórnar og miklu, miklu lengur. Þetta er ríkisstjórnin sem lagði til ákveðnar aðgerðir sem eru síðan afgreiddar í samstöðu á þinginu. Það er mikið fagnaðarefni.