fjögurra ára samgönguáætlun 2015--2018.
Virðulegi forseti. Það gleður mig mjög að sjá hér algræna töflu, samþykkta breytingartillögu um að koma fjármunum, 5 millj. kr. á ári næstu tvö árin, til þess að hefja undirbúning og rannsóknir vegna Álftafjarðarganga. Þetta hefur verið mitt baráttumál í mörg ár og baráttumál margra Vestfirðinga. Ég vil bara leyfa mér á þessari stundu, klökk í hjarta, að þakka þessa málsmeðferð hér. Nú er búið að koma þessum göngum og þessari brýnu samgöngubót og mikla umferðaröryggismáli á dagskrá með samþykkt þingsins. Ég vil fyrir hönd Vestfirðinga og íbúa á norðanverðum Vestfjörðum þakka Alþingi þessa málsafgreiðslu. Það tókst þá að lokum að gera mig klökka í ræðustól á lokametrum þingsins. Takk, virðulegi forseti.