146. löggjafarþing — 7. fundur,  20. des. 2016.

kjararáð.

7. mál
[13:50]
Horfa

Frsm. meiri hluta efh.- og viðskn. (Björt Ólafsdóttir) (Bf) (andsvar):

Þingmenn geta kannski ekki lagst gegn breytingartillögu sem ekki er enn komin fram. Þetta var vissulega rætt í nefndinni en ekki náðist samstaða um það. Ég get ekki svarað fyrir aðra þingmenn þar en mér finnst hagsmunaskráning í öllum opinberum störfum vissulega vera til bóta. Gagnsæi að því leyti skiptir máli. Ég væri til í að sjá hvernig það er nákvæmlega útfært í tillögum Pírata svo að ég geti tekið afstöðu um það.