dráttur á birtingu tveggja skýrslna.

Frú forseti. Það að hæstv. forsætisráðherra hafi orðið uppvís að því að fela mjög mikilvægar skýrslur um háalvarleg og hápólitísk mál fram yfir kosningar og stjórnarmyndunarviðræður hlýtur að draga dilk á eftir sér. Það er mjög alvarlegt mál.

Hér kemur hæstv. ráðherra í ríkisstjórn forsætisráðherra og ver feluleikinn, ver fúskið, allt í boði Bjartrar framtíðar og í anda þess ágæta flokks, vænti ég.

Ég lít á þennan atburð sem svindl, ég lít á það þannig að hæstv. forsætisráðherra hafi snúið á þingið og þjóðina með því að fela þessar skýrslur á þeim tíma þegar á þeim þurfti að halda í aðdraganda kosninga og í stjórnarmyndunarviðræðum. Þetta er alvarlegt mál. (Gripið fram í: Heyr, heyr.)