146. löggjafarþing — 26. fundur,  7. feb. 2017.

viðbótareftirlit með fjármálasamsteypum.

111. mál
[15:07]
Horfa

Smári McCarthy (P) (andsvar):

Herra forseti. Ég þakka hæstv. fjármála- og efnahagsráðherra gott svar. Það er ágætt að nýta tækifærið til að spyrjast fyrir um innleiðingarhallann. Hversu langt erum við á eftir í því að innleiða tilskipanir miðað við það sem við ættum að vera? Ég hef ekki séð neina sérstaka tölu í því efni. Eru einhverjar frekari reglur hjá Fjármálaeftirlitinu eða öðrum stofnunum sem væri þess virði að taka til umræðu hér á þingi í ljósi þessa.