146. löggjafarþing — 40. fundur, 7. mars 2017.
áætlun um vernd og orkunýtingu landsvæða.
207. mál
Frú forseti. Hvað varðar þinglega meðferð er auðvitað rétt að þingið taki sér þann tíma sem það þarf til að fá niðurstöðu í málið. Hvaða tími það er getur farið eftir því hvað hv. þingmenn vilja leggja til málsins, það getur farið algjörlega eftir því. Það getur líka farið eftir því hvað kemur fram í þeim umsögnum sem eiga eftir að berast þinginu, hvaða sjónarmið munu koma þar fram o.s.frv.