vextir og gengi krónunnar.
Virðulegi forseti. Ég þakka flutninginn. Fjárlaganefnd fékk yfirlit yfir lánamál ríkisins og ein af spurningum sem fjárlaganefnd sendi um lánamál var mat þeirra á áhrifum ávöxtunarkröfu lífeyrissjóðanna á vaxtastig í landinu. Svarið var í rauninni að það væri mjög flókið að meta það en að ýmislegt benti til þess að ávöxtunarkrafan ýtti undir og hækkaði vaxtastig í landinu. Ég tek undir að það þarf sérstaklega að skoða þetta. Stærð höfuðstóls lífeyrissjóðanna með 3,5% ávöxtunarkröfu þarf að vera ansi mikil til þess að greiða út allar lífeyrisskuldbindingar. Við þurfum að átta okkur á því hversu stórt lífeyrisjóðskerfi við getum haft efnahagslega séð í landinu án þess að það hafi áhrif á ýmislegt eins og vexti almennings og samkeppnisstöðu, eins og talað hefur verið um hér í öðrum málum.
Ég þakka þessa þingsályktunartillögu. Hún hefur margt mjög áhugavert fram að færa.