réttindi og skyldur erlendra fyrirtækja o.fl.

Frú forseti. Nei, um þetta eiga bara að gilda almennar reglur. Við erum ekki að fara einhverja fjallabaksleið með því að rýra persónuvernd útsendra starfsmanna. Ég vil vekja athygli á að þetta frumvarp hefur verið unnið í víðtæku samráði við aðila vinnumarkaðarins, sveitarfélög og marga aðra sem hafa komið að þessu. Ég held að það skipti máli að hafa í huga. En það sem gerist núna er að við fáum þetta til umfjöllunar í nefnd þingsins, velferðarnefnd. Þá fara menn bara einfaldlega yfir m.a. þær ábendingar sem hv. þingmaður hefur komið réttilega á framfæri hér í andsvari. Ég undirstrika núna, því að þetta er síðasta andsvarið í bili alla vega, að mikilvægt er að ekki bara þingmenn taki þátt í umræðu um svona mikilvæg mál og komi sjónarmiðum sínum á framfæri, heldur líka að málið verði unnið vel áfram í samráði við aðra í þingnefndum, en um leið undirstrika ég að þetta er réttarbót fyrir ákveðinn hóp útsendra starfsmanna sem ég vona að þingið muni ýta undir og veita framgang. (Gripið fram í: Höfum við tíma?)