fjármálaáætlun 2018--2022.
Frú forseti. Þetta nefndarálit er dálítið óvænt tilbrigði við glæpasögu. Gefið er í skyn strax í upphafi að hér hafi verið framinn glæpur. Svo er það stutt mörgum rökum eftir því sem maður les lengra. En svo er klippt út á síðustu blaðsíðu, blaðsíðu 19 — að það hafi ekki verið neinn glæpur. Hér segir nefnilega, frú forseti:
„Þessi fjármálaáætlun ber þess merki að nýr meiri hluti hefur ekki haft nægan tíma til að undirbúa og útfæra fjármálaáætlun næstu ára.“
Síðan:
„Langt er í land til að hægt sé að segja að verklag og vinna við hina nýju umgjörð sé ásættanleg en framfarir eru sannarlega miklar ...“
Og:
„Ríkisstjórnin hefur því haft mjög stuttan tíma til að undirbúa málið og ber það þess nokkur merki ...“
Síðan er það rökstutt.
Mig langar að spyrja bókmenntafræðinginn: Finnst þér ekki skrýtin ályktun sem dregin er í lokin að það beri að styðja þetta plagg eftir allt sem á undan er gengið?