um fundarstjórn.
Frú forseti. Til mín hefur verið leitað og mér bent á að hv. þingmönnum Pírata hafi ekki gefist tími til þess að greina ræðu mína í umræðum hér áðan. Því vil ég árétta ummæli mín en ég sagði:
Stefnt er að því að flýta vinnu fjármálaáætlunar samkvæmt lögum um opinber fjármál fyrir næsta vor.
Það er mér bæði ljúft og skylt að lýsa því yfir að ég mun í þessum störfum mínum eins og öllum öðrum störfum kappkosta að fara að lögum, bæði lögum um opinber fjármál og um önnur mál. Ég vona að það skýri þetta mál.