vextir og verðtrygging o.fl.
Hæstv. forseti. Þó að frelsið sé yndislegt og æskilegt er nauðsynlegt að gæta hér þjóðhagsvarúðar og setja frekari skilyrði, ekki síst á toppi hagsveiflunnar. Það höfum við Framsóknarmenn lagt áherslu á alla tíð, þegar þetta mál hefur verið til umfjöllunar, að takmarka lán tengd erlendum gjaldmiðlum við þá sem eru varðir slíkri áhættu. Það sama hefur Seðlabanki Íslands gert ítrekað í umsögnum sínum og að lántaki standist greiðslumat og leggi fram eignir til tryggingar líkt og minni hlutinn leggur til í breytingartillögu. Ég styð þá breytingartillögu, virðulegi forseti, og get ekki stutt þetta mál að öðrum kosti.