fjáraukalög 2017.
Forseti vill árétta við ræðumenn að þeir haldi ræðutímann. Til frekari áréttingar virkar þetta þannig að þegar ræðutíma er lokið og rautt ljós birtist slær forseti tvisvar sinnum nett á þar sem hamarinn hvílir. Það gefur til kynna að forseti fari að slá í bjölluna. Ég slæ síðan laust á þriggja sekúndna fresti. Þegar ræðumenn eru komnir yfir 15 sekúndur byrjar þetta samfellda bjöllugjálfur. Svo ræðumenn átti sig á hvað þetta þýðir fyrir fólk sem heima situr þá er þetta bjöllugjálfur mjög óþægilegt. Það skemmir fyrir ræðunum og skemmir fyrir því að fólk nenni að hlusta á ræðurnar líka.
Ég árétta við ræðumenn að þeir virði ræðutímann.