breyting á ýmsum lögum vegna fjárlaga 2018.

Forseti. Hér er í raun, eins og hv. þm. Þorsteinn Víglundsson sagði, verið að taka ákvörðun um það að fella út þessa undanþágu en í skrefum. Það er gert til að milda áhrifin á atvinnugreinina og það er verið að koma til móts við þær athugasemdir sem hafa komið fram um að samráð vegna þessarar breytingar hafi ekki verið fullnægjandi. Því segi ég nei.