breyting á ýmsum lögum vegna fjárlaga 2018.

Virðulegi forseti. Ég segi bara: Hvaða yfirlýsingu? Hvaða skriflega samkomulag? Ég ætla ekki að halda því fram að menn fari með lygar í þinginu, eins og gert var hér fyrr í dag, en þetta er byggt á algjörum grundvallarmisskilningi. Ekkert slíkt skriflegt samkomulag var gert á milli mín og Samtaka atvinnulífsins þannig að forsendan fyrir þessari breytingartillögu er algjörlega úr lausu lofti gripin.