breyting á ýmsum lögum vegna fjárlaga 2018.

Herra forseti. Ég fagna því að það eigi að draga þessa breytingartillögu til baka. Sjálf trúði ég því varla að þegar nýbúið væri að blása til stórsóknar í menntamálum ætti að heimila gjaldtöku á iðnnema og starfsmenntanema þannig að þeir bæru 300 millj. kr. rekstrarkostnað framhaldsskólanna á árinu 2018. En ég gleðst yfir því að menn skuli hafa fallið frá því og vona að framhaldið verði í svipuðum dúr.